De Paradox vun de Zolltaxen: Wéi den Trump ouni et ze wëllen de mexikanesche Kaffi ugekurbelt huet

Trump seng kontrovers Virzölle hunn zanter Wochen d'Iwwerschrëften op der ganzer Welt dominéiert, mee wat heescht dat fir Spezialitéitskaffi? An speziell fir d’Mexikanesch Kaffiswelt?

Mir hu mam Maxime Pepinster, Co-Founder bei Edelmira Coffee, zesumme gesat, deen eng iwwerraschend Perspektiv aus Mexiko selwer gedeelt huet – an erkläert huet, wéi den Trump, ouni et ze wëssen, der mexikanescher Kaffisindustrie éischter e Boost ginn huet.

Wéi den US-President Donald Trump seng éischt Mandatszäit ugefaangen huet, war Mexiko vun Ufank un ee vu senge Haaptzilër – beschëllegt, Aarbechtsplazen ze klauen, d’amerikanesch Industrie ze ënnergruewen an de Land mat Migranten ze iwwerschwemmen. Hien huet versprach, NAFTA (North American Free Trade Agreement) opzekënnegen, Handelsaccorden nei ze verhandelen an haart Virzölle anzeféieren. 

Esou komm et dann och: Hien huet NAFTA an den “USMCA” (United States Mexico Canada Agreement) ëmbenannt. Mee wann ee bësse méi déif ënnert déi schockéierend Iwwerschrëften gekuckt huet, huet een gemierkt, datt d’Grondstruktur vum Accord bal net geännert gouf. D’Lëscht vun de Wueren, déi vun de Virzölle befreit sinn – dorënner Mexikanesche gréng Kaffi an kanadesch entkoffeinéiert Bounen – ass onverännert bliwwen.

Wéi déi meescht Rohstoffer gëtt och Kaffi just a bestëmmte Regiounen ugebaut, well en nëmmen do wiisst – konsuméiert gëtt en dann awer meeschtens aneschtwou. Also stellt sech ëmmer déi Fro: “Firwat Virzölle op Produkter erhéijen, déi ee souwisou net lokal produzéiere géif?” De Trump war do offensichtlech averstanen – an dat ass eis entgéint komm.

Nearshoring-Boom

Da koum d’Pandemie… an domat huet d’US ugefaangen, seng Liwwerketten ze hannerfroen an ze kucken, wéi riskant et ass, Wueren aus Géigenden ewéi Europa, Afrika an Asien eranzebréngen – wou riseg Ozeaner tëschent leien.

Doraus ass dat entstanen, wat mir “Nearshoring” nennen: eng Welle vu Branchen, déi hir Aktivitéiten aus Regioune wéi Asien no bei d’Grenz verréckelen, just südlech vun den USA – fir Transportzäiten a Maartschwankungen ze reduzéieren.

Zanter 2020 hu sech Auto- a Elektronikfabricken staark vermehrt an d’Industrien hu geblumt. 2025 hunn d’Kaffisproduzente gemierkt, datt sech och bei hinnen d’Lage dréit. Op eemol stiermen US-Importeure mexikanesch Plantagen, bereet, Kontrakter ze verhandelen an d’Geschäft sou no wéi méiglech bei doheem ze halen. 

Bounen aus Brasilien, Afrika an nach méi wäit ewech si mat haarde Virzölle beluecht ginn, mee mexikanesche Kaffi ass dodrunner laanschtkomm – alles wéinst dem Accord. Per Camion iwwer eng Grenz geliwwert, an net iwwert en Ozean, war en net nëmmen déi besser finanziell Optioun – mee och eng méi sécher.

D’Ironie vum Ganzen

Hei läit de Paradox: De President, deen op Mexiko ageschloen huet, huet et um Enn gestäerkt.
Seng Politik, zesumme mam Chaos vum Covid, huet Mexiko seng Wirtschaft onbewosst an d’Kaarte gespillt. Den USMCA – deen de Trump selwer ënnerschriwwen huet – huet dat nach weider zementéiert, an de Kaffi, zesumme mat enger Rei aner Wueren, ass virun Virzölle geséchert ginn. 

Elo, wou dem Trump seng Virzölle nees d’Iwwerschrëften dominéieren, gesi mexikanesch Exportateuren eng nei Spëtzt an der Nofro. 

Säi Virgank dës Kéier, géif ech soen, ass nach méi aggressiv. Mee wat mir nees gesinn: Mexiko gëtt staark kritiséiert, kënnt awer erëm als Gewënner eraus. Den Accord ass scho vum Trump ënnerschriwwen, a Mexiko ass dat eenzegt Land op der Welt, dat nach ëmmer Kaffi an d’US ka importéieren – ouni all Virzoll.

Mir mussen en net gären hunn. Hie gëtt wuel ni op Mexiko invitéiert. Mee den Impakt? Hien ass net esou, wéi mir erwaart haten. En ass besser.

Mee et gëtt en Haken…

Trotz der Welle vu Keefer bleiwe vill mexikanesch Kaffisproduzente virsiichteg. D’US ass ënner dem Trump onberechenbar ginn – a kee weess, wat ëm den Eck lauert.

Du wëlls net ze vill Energie doran investéieren, nei Bezéiungen zu engem Land opzebauen, dat esou onberechenbar ass. Déi meescht vun eis setzen nach ëmmer op Japan, Korea an Europa – Mäert, déi op Stabilitéit opgebaut sinn, net op Chaos. Mäert, déi verstoen, datt Kaffi net just e Rohstoff ass; et ass eng Bezéiung.

Et ass en Ofweegakt, a fir eis ass et am Fong éischter wéi e gudde Backup-Plan.